Vánddardeami vuolginsajit
- Finnmárkkubálgá vánddardeami sáhttá álggahit Soabbatjávrris, gosa Vuohču gilis váldogeainnus nr 4 (E75) lea 16 km.
- Maiddái Kiilopää geainnus beassá Finnmárkkubálgái. Kiilopää geainnu guoras leat sihke oahpistangalbbat bálgái ja parkerensadji.
- Vánddardeami sáhttá álggahit maiddái johtolaga davágeahčen Laanilas. Laanilas beassá Finnmárkkubálgái Suoločielggi guovllu geassejohtolagaid vuolginsajis.
- Kakslauttanenis ja Kiilopääs lea maiddái johtolatoktavuohta Finnmárkkubálgái Suoločielggi guovllu merkejuvvon bálgáid mielde.
- Vuodjinrávvagat vuolginsajiide
Finnmárkkubálgá johtolatossodagat
Go vuolggát vánddardit Finnmárkkubálgá mielde Soabbatjávrri gohttenbáikkis, de beasat dalán vuovdás muhto báikkuid hui juvvesge eatnamiidda.
Terävä-Nattanenna luhtte Finnmárkkubálgás suorrana ovttaguvlosaš, sullii 1 km:a guhkkosaš bálggis Terävä-Nattanena alážii. Álo gánnáha várret áiggi dán duottarčohkkii oahpásmuvvamii ja finadit hervvošeamen duovdagiid 544 m:a allodagas. Terävä-Nattanena alážis njiddjojuvvo seamma merkejuvvon bálgá mielde ja das de sáhttá dollet davásguvlui.
Kaptukaislampi lávvui lea vel sullii 9 km. Kaptukaislampiin gánnáha idjadit tealttás dahje lávus ja joatkit iđedis jeagge- ja vuovdeduovdagiid mielde davásguvlui. Jos johtá miehtá oppa merkejuvvon Finnmárkkubálgá, de Kaptukaislampiin lea vel Laanilai lagabui 20 km. Dán ossodaga sáhttá johtit buorre muddui goike guolbaniid mielde. Muittáthan ahte Soabbada luonddumeahcis oažžu johtalit dušše merkejuvvon bálgáid mielde.
Johtolatossodagat:
- Soabbatjávri - Terävä-Nattanen, 6 km
- Terävä-Nattanen - Terävä-Nattanena aláš, 1 km
- Terävä-Nattanen - Kaptukaislampi dolastallanbáiki, 9 km
- Kaptukaislampi lávu - Kiilopää geaidnu, 13 km
- Kiilopää geaidnu - Laanila, 6 km
- Loga johtolatossodagaid govvidemiid.
Johtolatmerken
Finnmárkkubálggis lea merkejuvvon meahccái boares merkenvuogi mielde muorračuolddaiguin, main lea vinjuruossa. Dasa lassin bálgá guoras leat boares urat bálggesmearkan. Uraid ii oaččo duohtadit (Dološmuitoláhka).
Oktavuohta eará johtolagaide
Finnmárkkubálgá lulágeahči ovttastuvvá Soabbatjávrrigeidnui ja dakko lea oktavuohta Pyhä-Nattanena bálgái. Davágeahčen Finnmárkkubálgás lea oktavuohta Kiilopääs ja Laanilas Suoločielggi - Kiilopää guovllu geasse- ja dálvejohtolagaide.
