Soabbada johtolagat

Lagasgovva boares soarvvis dahkkon stoalppus. Stoalppu geahči lea cehkkon ja das lea muorračulku, man nubbi geahči lea fullojuvvon čogasin. Duogábealde eahpedárkilis govva vuovddis, man čađa manná rovvi.

Vánddardanjohtolagat ja bálgát

Johtolagaid vuolginsajit

  • Pyhä-Nattanena bálgá ala beassá Soabbatjávrri geainnus luonddumeahci oarjeráji alde dahje sullii 1 km duohken rájis luonddumeahci siskkobealde
  • Finnmárkkubálggis vuolgá Soabbatjávrri meahccebiilageainnu guoras, sullii 16 km duohken váldogeainnus nr 4.

Merkejuvvon johtolagat

  • Pyhä-Nattanena bálggis, 7 km, manná luonddumeahci oarjjageahčen. Johtolahkii beassá Soabbatjávrri meahccebiilageainnus luonddumeahci ráji alde dahje sullii 1 km duohken luonddumeahci rájis. Go johtá johtolaga riekkesjohtolahkan, de dan guhkkodahkan šaddá oktiibuot 7 km. Bálggis finada Pyhä-Nattanena alážis ja manná oasi mátkkis Nalijogaráigge. Johtolaga mielde lea ceakkus Pyhä-Nattanena alážii ja doppe bodnái, ja nuba johtolat ii heive dakkáriidda, geat leat heajos vuimmiid alde. Johtolat lea merkejuvvon meahccái ruoná čuolddaiguin.

Allagasas, várrefielttis manná bálggis, mas šattut leat gollan eret, vuollegis soagit ja beazit birra.

  • Finnmárkkubálggis, 35 km, lea oassi Luirujoga, Soabbatjávrri ja Avviljoga bokte manni dološ johtolagas Finnmárkui Norgga riddui. Johtolat manná Soabbada luonddumeahci čađa lulil davás ja joatkašuvvá UK-álbmotmeahci bealde. Loga lasi Finnmárkkubálgás.

Guovdu meahci rovvi, dan guoras muoras ráhkaduvvon boares johtolatgalba ja olmmoš sealggát ovdáneame rovis.