Jyppyrä - várdu guovdu Heahtá
Aivve Heahtá gili lahkosiin lea várri, Jyppyrä, mii allána sulaid 400 mettara mearradási bajábeallái. Dolin Jyppyrä lea adnon bálvvosbáikin. Váre nalde 1800-logus leamaš sieidegeađgi lea árbedieđu fierahuvvon Ovnnesjávrái. Dálá áigge eatnamiid nalde manná luonddubálggis, mii muitala historjjás ja mii vuolgá Duottar-Sámi luondduguovddáža šiljus. Jyppyrä čohkas lea várdogoahti.
Goddebálggis
Duottar-Sámi luondduguovddážis beassá luonddubálgá - Goddebálgá nala, mii muitala goddebivddu historjjás. Bálgá guoras lea okta ovddeštuvvon godderoggi ja máŋggat dološ godderokkiid bázahusat. Bálgá guoras manná ákkis, man bivdit dolin atne goddebivddus.
Báktejávri
Báktejávri lea guhkes ja seakka skurčojávri, mii lea Heahtá gili davábealde. Jávrri goappánai bealde ceagganit heaŋggobávttit. Dálvet jávrre mielde manná láhttu ja geasset duovdagiidda sáhttá oahpásnuvvat Báktejávrre bálgá mielde. Bálgá mielde mátki Heahtá guovddážis Báktejávrái lea sulaid vihtta kilomettara.
Bassečearu beaivestohpu ja duottar
Bassečearu beaivestohpu lea Bállás - Ylläsduoddara álbmotmeahci davábealde, Bassečearu vuolde, 7 km:a geahčen Ovnnesjávrri gáttis. Stobus sáhttá vuoiŋŋastastit ovdal go gizzu Bassečearu alážii, Ovnnesduoddara boares mearkaduoddarii. Bassečearus, Bassejávrri gáttis, sáhttá gávdnat bázahusaid Ovnnesduoddara čuoiganturismma álgomuttuin 1930-logus. Doppe lei okta duottarguovllu vuosttaš mátkeruovttuin. Dálá áigge das leat báhcán dušše vuođu bázahusat.
Yrjö Kokko -loddevárdu
Heahtá gilis sulaid miilla nuorttas luotta nr 956 guoras lea Yrjö Kokko -loddevárdu (enontekiolapland.com, suomagillii) Loddevárdu lea Joentekiäisis, johkasuorggis, gos Boaresjohka ovttastuvvá Ovnnesjohkii. Lottiid várdáma olis várddus sáhttá oahpásnuvvat báikkálaš lottiide Yrjö Kokko deavsttaid mielde. Várddu guoras lea lávvobealli.
Sotkajávrri loddevárdu
Sotkajávrri loddevárdu (enontekiolapland.com, suomagillii) lea Sotkajávrri gáttis, Heahtás Bálojoganjálbmái manni luotta nr 93 guoras. Sotkajávri lea hui buorre loddejávri ja doppe leat dahkkon olu miellagiddevaš loddeáiccastagat. Sotkajávrri loddevárddus lea máŋga jagi oassálastojuvvon váldegottálaš doartnaid dáistaleapmái. Loddevárddu ollái lea ceggejuvvon lávvu. Sihke lávvui ja loddevárddu vuolimus dássái beassá rullastuoluin.
Heahtá girku
Eanodaga girkogili Heahtá guovddáža jagi 1952 huksejuvvon girku lea Eanodaga guđat girku (enontekiolapland.com, suomagillii). Dan lea sárgon arkiteakta Veikko Larkas. Earenoamáš fiinna áltárseainni lea plánen dáiddár Uuno Eskola.