Váhčira meahcceguovlu lea Avvilis Gápmasii manni váldogeainnu (váldogeaidnu 4, E75) nuorttabealde Anárjávrri duohken.
Johtinoktavuođat
Biillain
Váhčira meahcceguovlu lea Anára gielddas Anárjávrri nuorttabealde. Anárjávrri davábeale gátti mielde manná guovllugeaidnu nr 971 Gápmasis Njávdáma bokte Norgii (120 km). Geainnu guoras leat Bártteha, Čeavetjávrri ja Njávdáma gilit. Guovllu máttabeallai lea Avvilis Njellima gillái manni guovllugeaidnu nr 969. Geaidnu joatkašuvvá Njellimis Kessi guvlui ja muhttašuvvá Báhčaveaijoga šalddi maŋŋá meahccebiilageaidnun, mii nohká ovdalaš Geassejávrri (Kesjävri).
Almmolaš fievrruiguin
- Togain (vr.fi, suomagillii) beassá beaivválaččat Roavvenjárgii, gos lea joatkkaoktavuohta linnjabiillain Avvilii. Avvilis leat árgabeivviid linnjabiilaruvttot Njávdámii. Linnjábiillaid áigetávvalat (matkahuolto.fi, suomagillii). Njellimii ii beasa almmolaš fievrruiguin.
- Girdiin (finavia.fi, suomagillii) beassá beaivválaččat Helssegis Avvilii.
Meahccereaissu vuolginsajit
- Vánddardeami gánná álggahit omd. meahcceguovllu lahkosiid giliin: Njellimis, Čeavetjávrris dahje Njávdámis.
- Fanasvánddardeami gánnáha álggahit ee. Bártteha ja Njellima giliin. Goabbat sajis leat fanasluoitinsajit. Anárjávrri gáttiin leat moanat fanasluoitinsajit. Fanashámmanat leat Anáris, Veskonjárggas ja Njellimis.
Kárttat
Elektrovnnalaš kárttat
Eará kárttat
- Čeavetjávri - Njuorggán olgolihkadankárta, 1:100 000, Karttakeskus 2014.
- Anárjávri-Váhčira-Carbmoaivi čáhcejeahkki kárta, 1:25 000 ja 1:100 000, Calazo 2021
- Váhčira-Kessi-Øvre-Pasvik čáhcejeahkki kárta, 1:50 000, Karttakeskus 2020.
- Anára čujuhus- ja astoáiggekárta, 1:150 000, Sámi eanamihtidandoaimmahat 2019.
- Davvi-Suoma tuvrakárta (GT-kárta), 1:400 000, 2016.
- Eanadatkárttat W512, W514 ja W523, 1:50 000, Eanamihtidanlágádus 2008 - 2009.
- Anárjávrri fanastallankárta, 1:50 000, Mearrajohtinlágádus 2011.
