Álkes johtolagat
Guovžžabiedjogeađggi goargŋun, 450 m / guovlu
Geasseáigge, johtináigi 1 dii. Váccašeapmái ja luondduoidnosiin beroštuvvan olbmuide, mánnábearrašiidda.
Duosttatgo čákŋat guovžža hollui? Ráhpaid gakcuma maŋŋá sáhtát beahkit sisa viiddis gurrui, mii máidnasa mielde lea guovžžabiedju.
Vuolginsadji
Avvil-Anár njelješgeaidnoguoras lea Karhunpesäkivi/kafea parkerensadji, sulaid 23 km Avvila gilis (Inarijärventie 2288, Anár).
Koordináhtat: Euref-Fin (~ WGS84) lat: 68° 49.0316' lon: 27° 18.8447' ETRS-TM35FIN P: 7634011 I: 512666.
Vánddardanhuksehusat
Guovžžabiedjogeađggi lusa leat ráhpparovvemuorat ja guoru ovdii lea huksejuvvon stealli suddjet birrasa luonddu gollamis. Máđija bajágeahčen lea oainnusstealli oktan reŋkkuiguin.
Johtolatčilgehus
Ráhpat álget várrái seammás kafea duohken. Gaskkas leat moadde vuoiŋŋastanstealli. Gurrui leat guokte vuollegaš ráiggi, muhto ieš guoru lea viiddis. Rovvemuorat joatkašuvvet guoru luhtte vel bajás boares vuovddi čađa. Máđija geažis lea oainnusstealli, gos šerres dálkin oaidná Anárjávrri luovttaid.
Fuomášanveara
Kafea rabasáiggiin sáhtát muitalit dan bargiide jus leat áican juoidá dorvvolašvuhtii váikkuhan divvundárbbuid. Váldde mielde juhkamuša ja ráhkkan maiddái ráhpaid gakcuma maŋŋá boahtá váhkáid “spargimii”.
Juvddu easttahis bálggis, 500 m / guovlu
Birra jagi, johtináigi 1 dii
Easttahis bálggis lea earenoamáš vuogas vánddardancuozáhat bearrašiidda.
Geasi áigge Juvdujoga gáttiin liđđotboallorásit ja čázis njuikot hárrit. Dálve áigge bálggis lea álkit johtit ja doppe leat maid čuovggat. Sáhttát maid liikostallat luondu čábbodahkii.
Vuolginsadji
Parkerensadji Gihttelgeainnu (no 955) guoras, sullii 2,5 km Anára girkosiiddas, čujuhus Kittiläntie 156, Anár (Inari)
Koordináhtat: Euref-Fin (~ WGS84) lat: 68° 53.7205' lon: 26° 57.9799' ETRS-TM35FIN N: 7642693 E: 498647
Easttahis bálggis cuovvu máttábeali gátti bajás Njoammelguikii ja heaŋgášaldái. Máttabeali gátti bálgás leat Suologuoikkas Njoammelguikii čuovggat ja dat dollojuvvo dálvviid rabasin muohttagis.
Vánddardanhuksehusat
Bálgá guoras eai leat easttahis huksehusat. Jorrestuoluin beassá dolastallat Akselilávvui Suologuoikkas, muhto muorraáiti ja goikehivsset eai leat easttaheamit.
Johtolatčilgehus
Johtolatmerken: Mearkat leat lámpástoapus.
Juvdubálgá easttahis oassi lea Gihttelgeaidnoguoras Juvdujohgáddái. Bálgá guhkkodat ovtta guvlui lea 500 mehtera.
Fuomášanveara
Bálgá guoras Akselilávu goikehivsset ja muorraáiti eai leat easttaheamit. Juvdubálgá easttahis oassi lea oassi Juvdubálgás, man guhkkodat lea oktiibuot 5,8 kilomehtera. Bálgá ala leat cohkkejuvvon máidnasat Juvdujoga johttiid ja dáhpáhusaid birra.
Bieggajávrri johtolat, 1,5 km / guovlu
Birra jagi, johtináigi 1 dii
Bieggajávrri lea earenomáš vánddardančuozáhat bearrašiidda.
Bieggajávri lea beakkálmas rávdojávri, gos maiddái duovdagat leat fiidnát. Jávregáttis lea lávvu dolastallama ja nisttiid borrama várás, man dihte dat lea hui buorre báiki sihke geasset ja dálvit jieŋa alde oagguma áigge.
Vuolginsadji
Bieggoaivvi parkerensajis sullii 9 km:a duohken Anára girkosiiddas. Vuos vuddjojuvvo Anáris sullii 6 km Avvila guvlui njelješgeainnu mielde ja de jorggihuvvo Bieggoaivvi alážii manni cievrageainnu ala. Cievrageainnu mielde vuddjojuvvo sullii 2,5 km parkeransajii.
Koordináhtat: Euref-Fin (~ WGS84) lat: 68° 51.3950'lon: 27° 7.5930' ETRS-TM35FIN: N: 7638404m E: 505075m
Vánddardanhuksehusat
Bieggajávrri lávvu, goikehivsset ja muorravisti.
Johtolatčilgehus
Johtolatmerken: bálgá leat merkejuvvon meahcceruossaid. Bálggis manná duolba duottareatnamiid mielde, main šaddet lagežat ja beazit. Ruovttoluotta máhccojuvvo seamma johtolaga mielde, goas oppa mátkki guhkkodahkan šaddá 3 km.
Fuomášanveara
Biillaid parkerensadji plovejuvvo (vuddjojuvvo) jahkásaččat guovvamánu beallemuttus.
Eará johtolagat 0-10 km
Bealbbejávrri meahccegirku bálggis, 5 km / guovlu
Geasseáigge, johtináigi 6 dii
Bálggis lea geađgái ja muorramáddagat ja veaddit váttásmahttet vázzima.
Bielbajávrri girku lea huksejuvvon 1752-1760 ja dat lei anus 1800-logu loahpa rádjái, ja dalle girku lei Anára guovddáš báiki. Girkus dollojuvvojit moadde ipmilbálvalusa jagis ja doppe maid vihahuvvojit náittospárat.
Vuolginsadji
Bálggis vuolgá 3 km:a geažes Davvi-Sámi luondduguovddážis, Sarviniemigeainnu parkerensajis.
Koordináhtat: Euref-Fin (~ WGS84) lat: 68° 55.2854' lon: 27° 3.4706'ETRS-TM35FIN: N: 7645602 E: 502322
Vánddardanhuksehusat
Bealbbejávrri beaivestohpu ja dolastallanbáiki sihke Bealbbevuona hirsagoahti.
Oaidnámušat
Ebmos, muoras ráhkaduvvon Bielbajávrri meahccegirku, mii ain adnojuvvo ee. vihaheapmái.
Johtolatčilgehus
Johtolatmerken: oránša muorracuolddaiguin
Bálggis manná čáppa boares álgovuovddi čađa meahcceládduid ja jávrriid guora. Johtolaga geažis lea boares girkogieddi, man birra leat luondduniittut. Girkogietti ravddas lea bures seilon Bealbbejávrri girku. Ruovttoluotta sáhttá máhccat seamma johtolaga mielde, goas johtolaga ollesguhkkodahkan šaddá 10 km. Girku luhtte rohtte maiddái bálggis Bealbbevutnii (Piälppáávuonâ, anárašgillii), gosa lea 3 km. Bealbbevuonas leat fanashámman, hirsagoahti ja dolastallanbáiki.
Fuomášanveara
Fanasjohtolat geassit Bielbavutnii (Piälppáávuonâ anárašgillii).
Juvddu bálggis, 5,8 km riekkisbálggis
Birra jagi, johtináigi 4 dii
Bálggis lea earenoamáš vuogas vánddardančuozáhat bearrašiidda. Oassi bálgás lea easttaheapmi.
Bálgá ala leat čohkkejuvvon máidnasat Juvdujoga johttiid, dáhpáhusaid ja guolástusa birra. Juvdujoga bálggis lea vuosttas ja áidnaluonddubálggis, man teavsttat leat maiddái anárašgillii. Govvemis vástida anárlaš dáiddár Merja Aletta Ranttila.
Vuolginsadji
Koordináhtat: Euref-Fin (~ WGS84) lat: 68° 54.4992' lon: 27° 0.8037' ETRS-TM35FIN: N: 7644140 m E: 500538 m
Vánddardanhuksehusat
Johtolaga guoras leat oahpistantávvala Juvdujoga vássánáiggi birra, heaŋggošaldi ja guokte dolastallanbáikki. Bálgás leat cuovggat ja dat dollojuvvo dálvviid rabasin muohttagis.
Johtolatčilgehus
Johtolatmerken: oránšaivdnásaš muorracuolddaiguin.
Johtolat álgá Anára girkobáikkis Saarikoskentie-luottas sullii kilomehtera duohken Siida-museas. Vuolginbáikkis 2.22 kilomehtera maŋŋá bálggis buvtteha Akselilávvui. Lávus Njoammelguoikka (Njuámmilcooskâs anárašgillii) šalddi lusa lea sullii 550 mehtera mátki.
Njoammelguoikka heaŋggošalddi maŋŋá Juvdujoga bálggis čuovvu joga davvegátti, gos leat maiddái oránša dihkát. Njoammelguoikkas Juvdujoga davábealde lea dollasadji ja lávvu. Sullii 100 mehtera geažes lávus lea boazoáidi, man maŋŋá bálggis joatkašuvvá 180 mehtera vánddardangeaidnorussii, gos ain suorrana bálggis Ohcomaš-duoddarii. Njoammelguoikka lávus sullii 1,6 kilomehtera vánddardeami maŋŋá boahtá čievrageaidnu, mii lea sullii 600 mehtera guhkkosaš. Bálggis seaggu ja joatkašuvvá vustolahkan beahcevuovdái. Loahpas dat buvtteha E75/E4 geainno lusa, veháš Davvi-Sámi luondduguovddáš Siidda davábealde.
Fuomášanveara
Davábeale bálgá ala Njoammelguoikkas (Njuámmilcooskâs anárašgillii) Hoaššaláddo (Huáššijáávráš anárašgillii) ja Hoaššaádjaga lusa lea biddjojuvvon bajildus.
Eará johtolagat badjel 10 km
Anár - Ohcomaš -johtolat, 9 km / guovlu
Dalle go muohta lea suddan, masa laktása 8 dii
Viehka hástaleaddji bálggis duoddara ja geađgás bálgá dihte
Duottaraláža alde lea várddus Anárjávrri guvlui ja Bátneduoddariid, Muotkeduoddariid ja Leammi duoddariid guvlui. Duottaralážis lea Ohcomačča beaivestohpu, mii lea boares buollingohcci viessu oktan várdobáikkiin.
Vuolginsadji
Anára girkosiiddas Davvi-Sámi luondduguovddáža buohta
Koordináhtat: Euref-Fin (~ WGS84) lat: 68° 54.6441' lon: 27° 0.6185' ETRS-TM35FIN: N: 7644409 m E: 500414 m
Vánddardanhuksehusat
Ohcunvári beaivestohpu ja guokte dolastallanbáikki
Johtolatčilgehus
Johtolatmerken: ruksesivdnásaš muorracuolddaiguin
Johtolat manná vuosttas vihtta kilomehtera boršu Juvdujoga guora boares háikavuovddi cada ja dasto álgá vuostálat. Ovdal aláža nohket beazit ja loahpas lagešvuovdige, dasgo Ohcomacca aláš lea jalgat. Jos máhccá seamma johtolaga mielde, de johtolaga guhkkodahkan šaddá 18 km.
Fuomášanveara
Alážis sáhttá joatkit mátkki maiddái Rivdolii, gosa lea 10 km (gc. Rivdol - Ohcomaš -johtolat) dahje njulget Roavvejávrái (Ruávijävri) (3 km), gosa boahtá meahccebiilageaidnu.
Čuoiganjohtolagat
Anár - Ohcomaš -čuoiganjohtolat, 19 km
Čuoiganláhttu ii ráhkaduvvo giđđadálvve 2024 áigi.
Luondduláhttu árbevirolaš čuoiganvuogi mielde
Vuolginsadji
Anára girkosiiddas Davvi-Sámi luondduguovddáža buohta
Koordináhtat: Euref-Fin (~ WGS84) lat: 68° 54.6440' lon: 27° 0.6173' ETRS-TM35FIN: N: 7644408 m E: 500413 m
Vánddardanhuksehusat
Ohcunvári beaivestohpu
Johtolatmerken: alitivdnásaš plastihkkasoabbiin
Johtolat manná Ilgadisjávrri (Ilgeejävri, anárašgillii) bokte Ohcomacca aláža ala.
Fuomášanveara
Vánddardančuoiganláhtut bajásdollojit guovvamánu gaskkamuttus gitta cuoŋománu lohppii. Dárkkis láhttudili (suomagillii).
Anár - Bealbbejávrri meahccegirku -čuoiganjohtolat, 19,5 km
Luondduláhttu árbevirolaš čuoiganvuogi mielde
Meahccegirkus Anára searvegoddi lea árbevirolaččat lágidan meahccegirkus bearašgirku beassášlávvordaga.
Vuolginsadji
Anára girkosiiddas Davvi-Sámi luondduguovddáža šiljus
Koordináhtat: Euref-Fin (~ WGS84) lat: 68° 54.5984' lon: 27° 0.8934' ETRS-TM35FIN: N: 7644324 m E: 500598 m
Vánddardanhuksehusat
Bealbbejávrri beaivestohpu ja dolastallanbáiki sihke Bealbbevuona hirsagoahti
Oaidnámušat
Bealbbejávrri meahccegirku
Johtolatčilgehus
Johtolatmerken: alitivdnásaš plastihkkasoabbiin
Čuoiganjohtolat manná vuos Bielbajávrri meahccegirkui manni mohtorgielkávuojáhaga mielde 6 kilomehtera ja dasto vánddardančuoiganláhttu joatkašuvvá sierra johtolahkan. Ruovttoluotta Anára girkobáikái johtolat máhccá Bealbbevuona bokte Anárjávri jieŋa mielde.
Fuomášanveara
Biekka háltti gánnáha váldit vuhtii Anárjávrri guhkes lahtu dáfus.
Sihkkelastinjohtolat
Boares Menešjávrrigeainnu meahccesihkkelastinjohtolat, 55 km
Geasseáigge, johtináigi 1-2 beaivvi
Vuolginsadji
Anára girkosiiddas, Anár-Gihttelgeainnu (nr 955) guorasČujuhus: Gihttelgeaidnu 37, 99870 Anár
Anára guovllus eai leat merkejuvvon sihkkelgeainnut, muhto dábálaččat boares Menešjávrri geaidnu adnojuvvo sihkkelastingeaidnun. Johtolat vuolgá Anára girkobáikkis ja gávvá Solojávrái ja jorggiha fas ruovttoluotta, ladnjedallá várrevilttiid mielde Áldocuožžunoaivvi (Vaamenseisomapää, suomagillii) oarjjabeale Anára girkobáikki guvlui.
Fuomášanveara
Johtolat ii leat merkejuvvon, eaige johtolaga mielde leat bálvalusat.
Meallunjohtolagat
Anárjávri heive hui bures meallumii ja suhkamii johtolatválljemiid dáfus. Jávrri duháhat sullot fállet cáziid alde johttiide suddjes sajiid, muhto Anárjávrris gávdnojit maiddái measta juo jalges biekkusis ábit. Jávrri birra melodettiin sáhttá coggot mátki gitta sullii 250 km.
Gohttensajit gávdnojit valjis Anárjávrri dadjat juo ávdin gáttiin ja sulluin. Anárjávrri sulluin lea maiddái soames ávdinstohpu, maid sáhttá atnit ávkin jávrri alde jodedettiin.
Anárjávrri alde melodettiin lea buorre muitit ahte dálki sáhttá nuppástuvvat johtilit ja danin kanohtta galggašii leat "mearradohkálaš".
Go vuolgá guhkes meallunvánddardeapmái, de galggašii leat ovddežis vánddardanmeallun-hárjánupmi. Maiddái liigeniestti gánnáha váldit mielde, dasgo heajos dálkin vánddardeapmi sáhttá bistit guhkit go lei jurddašuvvon.
Johtolatevttohusat
Mohtorgielkámáđijat
Dálvit Anárjávrri alde johtet dábálaccat mohtorgielkkáiguin, dasgo gaskkat leat guhkit ja jiekŋa guoddá gaskamearálaccat juovlamánus miessemánnui. Merkejuvvon mohtorgielkámáđijat (eraluvat.fi, suomagillii) mannet Anárjávrri jieŋa mielde Njellimii, Ceavetjávrái ja Avvilii. Eatnan mielde johtolagat vulget Ohcejohkii, Gáregasnjárgii ja Bátnejávrri bokte Avvilii. Johtolagaid mielde beassá gitta Jiekŋameara riddui.
Vaikko jieŋa alde olgobáikegoddelašge sáhttá johtit mohtorgielkkáin friddja, de lea dorvvoleamos johtit johtolagaid mielde. Juohke jagi loahppážiid maŋŋá Anárjávrri jieŋa ala merkejuvvojit vuodjingeainnut ja jiekŋadihkát váldojuvvojit eret giđđat, sullii cuoŋománu loahpas dahje miessemánu álggus. Muhtumin juo beassážiid maŋŋá.
Jos áigu johtit goikeeatnama ala lágiduvvon mohtorgielkámádija mielde, de galgá háhkat Meahciráddehusa mádidjalobi. Lobiid sáhttá oastit Davvi-Sámi luondduguovddáš Siiddas Anáris, Meahciráđđehusa Avvila bálvalanbáikkis ja Meahciráđđehusa nehttagávppis (eraluvat.fi, suomagillii).
