Piilola bálgá bálvalusat
Áššehasbálvalus ja oahpisteapmi
- Davvi-Sámi luondduguovddáš Siida
- Meahciráđđehusa áššehasbálvalanbáiki Siiddas fállá dieđuid Anára vánddardanguovllu birra ja buot earáge Davvi-Sámi luonddučuozáhagain. Bissovaš ja molsašuvvi čájáhusaid lassin Siiddas fidne vánddardanrávvema, kárttaid ja lobiid oppa Davvi-Sámi guvlui.
Ovttasbargobeliid fállan bálvalusat Váhčira meahcceguovllus
- Váhčira guovllus bálvalusaid fálli ovttasbargobealit
- Dáin beliin lea ovttasbargosoahpamuš Meahciráđđehusain, ja dat ollašuhttet bistevaš luondduturismma prinsihpaid doaimmadettiineaset Piilola bálgás.
Juhkančáhci
Čázi sáhttá juhkat miehtá guovllus. Jogaid ja jávrriid čáhci lea buoret go jávrečáhci. Luonddučáziid geavaheamis lea goittotge juohke ovttas iežas ovddasvástádus. Liegga beivviid čázi berre duldehit.
Bázahusfuolahus
- Ávdinstobus lea doapparlihti, muhto vánddardeaddjit ávžžuhuvvojit buktit eret luonddus dakkár doabbariid, mat eai eanaluva ja sirret daid sierra ruskalihtiide. Biodoabbariid sáhttá bidjat olgohivssegii.
- Loga lasi ribahis vánddardeamis.
Boaldinmuorrafuolahus
- Ávdinstobuin ja fiellolávuin leat boaldenmuorat ja ákšut muoraid smávvemii. Ama dolastat seastevaččat. Boaldinmuoraid buktet eanas áiggiid dálvet mohtorgielkkáin.
Fuolahusas vástida
- Bázahus- ja muorrafuolahusas vástida Meahciráđđehus, Lappi luonddubálvalusat. Lassedieđuid fidne Davvi-Sámi luondduguovddáš Siiddas.
- Norggas johtolaga fuolaheamis vástida Finnmárkku leanaráđđehus. Lassedieđuid oažžu Bioforsk Svanhovdis (nibio.no, eaŋgalasgillii).
Hivssegat
- Juohke ávdinstobus ja fiellolávus lea olgohivsset.
Idjadeapmi
Tealttástallan
Piilola bálgás Suoma bealde, Váhčira meahcceguovloeatnamiin tealttástallan lea lobálaš juohkehačča vuoigatvuođain (suomagillii). Ávžžuhat gohttet ávdinstobuid ja fiellolávuid lahkosis, daningo doppe lea maid dollasadji ja olgohivsset.
Norggas, Badje-Báhčaveaijoga álbmotmeahcis, tealttástallan lea lobálaš vaikke gos Piilola bálgá guoras.
Piilola bálgás leat guokte fiellolávu:
- Goldenjávrri lávvu lea Goldenjávrri (Koldemjävri) oarjelullegáttis, 14 km:a geahčen bálgá lulit vuolginbáikkis.
- Bálgá nubbi ja davimus fiellolávvu lea Svarbrysttjørna-nammasaš jávrri lullenuortagáttis sullii 2 km:a geahčen bálgá Norgga bealde vuolginbáikkis.
Ávdinstobut
Stobut jođidettiin Piilola bálgá lulde davás:
- Piilola, ávdinstohpu
- Piilolaporten, ávdinstohpu
- Ellenvannskoia, ávdinstohpu
Eará bálvalusat
- Nellima ja Anára sihke Girkonjárgga guovllu fitnodatdoallit (visitkirkenes.no, eaŋgalasgillii) fállet máŋggabealat bálvalusaid tuvrrastalliide ja turisttaide.
- Lagamus unna gilážiin – Njellimis ja Svanvikas – gávdnojit idjadan- ja boradanbálvalusat. Svanvikas lea biebmogávpi, Avvilis ja Girkonjárggas leat viiddes vuođđobálvalusat.