Ássangoahti
- Goahti huksejuvvui 1946:s vuosttas viessun. Das ásse Oudas, Natalia, Pietari, Helena, Maria ja Ontrei.
- Go barta gárvvásmuvai 1947:s, de goahtái fárriiga Iivana "Uts-Evvan" ja Eufrosimia oktan mánáiguin. Go sii fárrejedje Ahvenjärvii, de goahti bázii ávdin vuoššangoahtin.
Barta
- Barta dáiddii gárvvásmuvvan 1947:s. Das ásse Oudas, Natalia, Ivan (Jõnn-Evvan) ja su guoimmi Fedosia mánáiguin, Pietari, Helena, Maria ja Ontrei. Barta lea huksejuvvon ođđasit 1983:s. Huksemis ii leat čuvvojuvvon dárkilit álgoálgosaš huksenvuohki, dasgo boares barta lei gahččan čoahkkái ja sakka mieskan.
Sávdni
- Maiddái sávdni lea huksejuvvon ođđasit 1983:s, dasgo álgosávdni lei gahččan čoahkkái ja sakka mieskan. Suovvasávnnis dárbbašlaš basadančáhci liggejuvvui ovdal olgun ruittus. Gáttis lei bassaladdanruitu golmma geađggi veagas.
Boazoláhtu
- Boazoláhtu lei Beahcáma nuortalaččaide mihtilmas vistetiipa. Bohccot manne čuoikan láhtui suodjái. Boazoláhtu ođasmahttojuvvui 1980:s.
Njalla
- Njalla ii gula nuortalašgieddái. Njala juolgi, 260 cm guhkkosaš guottu, lei juo 1940-logus, go Semenoffat bohte guvlui. Báhcán leat vel fuolalaččat ávnnastuvvon vuolildusbelko ja dasa luosabeahcehiin laktojuvvon guokte doaresduvddamuora.
Boazoáidi
- Boazoáidi lea sullii 1400 mehtera guhkkosaš riekkesáidi, man viidodat lea sullii 8 ha. Áiddi allodat lea 150 cm. "Bessodahkan" áiddi čatnamis leat adnojuvvon duiskalaččaid soađiáigásaš telefonkábelat ja spihkárat. Áidi lea muhtun muddui ordnejuvvon 1980-logus.
Juolgeáiti
- Áiti lea ráhkaduvvon 1947:s eatnamii roggojuvvon bođugudduid ala, mat ferrojuvvojedje livttisin sáhpániid ja muolddahiid dusten dihte.
Oapman
- Oapmana lea muvren Matti Sverloff measta ollásit ođđasit 1980:s. Oapmanii gullá geađggis ráhkaduvvon njálbmeluŋka ja reahpenráiggi luŋka. Oapmanis goikadedje láibbiid.
Sávzzaidbuvri ja -áiti
- Sávzzat ledje bohccuid maŋŋá nuortalaččaid deháleamos oamit. Sávzzaid dolle ihkku buvrris. Beaivvi áigge daid dolle biebmangárddis dahje boazogárddis, gosa dat suvdojuvvojedje fatnasiin.
Šuomajoga nuortalašgietti sajádatsárgun
Šuomajoga nuortalašgietti šilljobirrasis gávdnojit čuovvovaš visttit ja rusttegat:
1. Ássangoahti
2. Barta
3. Juolgeáiti
4. Oapman
5. Sávdni
6. Keallir
7. Njalla
8. Beatnaga visti
9. Sávzzaidbuvri
10. Sávzzaidáidi
11. Boazoáidi
12. Boazoláhtu