Nuorta-Lappi, Anár, Soađegilli, Urho Kekkonena álbmotmeahcci
Lohtu nuortalašgittiin (Oskarinjärvi ja Oskarinkoski) sáhttá oahpásmuvvat boares Beahcáma Suonnjela huksenárbái. Lohtu nuortalašgiettit leat Beahcáma Suonnjelis eváhkkoi fárren Semenoffiid ja Fofanoffiid orohagat. Nuortalašgiettit leat Urho Kekkonena álbmotmeahci davágeahčen, Lohtu nuorttabealde sullii guokte kilomehtera bajásguvlui das gokko Lohttu ja Šuomasjohka ovttastuvvaba. Nuortalašgiettit leat leamaš anus 1940-logus. Urho Kekkonena álbmotmeahci vuođđudeami rájes dat leat leamaš suodjaluvvon. Giettit leat ordnejuvvon 1981:s ja 2000:s Máilmmi Luonddu Vuođđudusa Suoma Foandda álbmogasleairra oktavuođas. Museovirasto ja Meahciráđđehus fuolahit visttiid ja gittiid birrasiid ortnegisdoallamis.
- Visttit Lohtu guoras Oskarinkoski buohta ledje Semenoffa bearraša dálveviesut. Ja visttit Oskarinjärvi gáttis ledje Iivana Semenoffa ja Fofanoffa bearrašiid viesut, main sáhttá leat ássojuvvon birra jagi. Semenoffiid geassebáiki lei 12 km duohken Šuomajoga Kotajärvi gáttis. Lohtu dálvebáikái bohttojuvvui fatnasiin juo borgemánu loahpas ja geassebáikái máhccojuvvui fas miessemánus. Viesut ledje Beahcámis eváhkkoi gártan Semenoffiid ja Fofanoffiid (okta vivva lei Fofanoff) anus jagiid 1946-1948. Maŋŋelis Suonnjela nuortalaččat ásaiduhttojedje bissovaččat Čeavetjávrri birrasiidda. Nuortalašgittiid visteollisvuođat leat boares árbevieru mielde huksejuvvon ja leat ná divrasat huksenhistorjjá ja nuortalašvieruid dáfus.
- Loga lasi Lohtu nuortalašgittiid historjjás ja ráhkkanusain.
Rabasáiggit
- Lohtu nuortalašgittiide sáhttá iešráđálaččat oahpásmuvvat. Čuozáhagaide sáhttá oahpásmuvvat birra jagi, muhto dálvit biillain beassá dušše Rájijovssepa rádjegozáhusa rádjai. Loahppamátkki (sullii 3 km) ferte čuoigat.
Oktavuohtadieđut
- Lassedieđuid čuozáhagas fidne Urho Kekkonena álbmotmeahci áššehasbálvalusas.
Johtinoktavuođat ja kárttat
Biillain
- Lohtu nuortalašgittiide sáhttá vuohkkasepmosit oahpásmuvvat Rájijovssepii manni geainnu bokte. Avvilis vuddjojuvvo vuos Njellima geainnu (nr 91) mielde sullii 7 km, man maŋŋá jorggihuvvo Áhkojávrris olgeš beallai Rájijovssepa ja Murmánskka guvlui. Vuddjojuvvo njuolgga sullii 38 km rádjegozáhusa rádjai. Rádjegozáhusa buohta, geainnu lulábealde, rohtte meahccebiilageaidnu, man mielde Lohtu gurrii ja nuortalašgittiide lea mátki sullii golbma kilomehtera. Dálvit meahccebiilageaidnu ii plogejuvvo, ja nuba dán mátkki šaddá johtit čuoigga dahje muohtagápmagiiguin.
Almmolaš fievrruiguin
- Rájijovssepa rádjegozáhusa buohta beassá Murmánskii manni linnjábiillain (matkahuolto.fi, suomagillii). Das lea vel sullii golbma kilomehtera vázzit dahje čuoigat UK-álbmotmeahci ráji lusa ja nuortalašgittiide.
Elektrovnnalaš kárttat
- Meahciráđđehusa Retkikartta.fi (suomagillii)
- UK-álbmotmeahci kárttat
Bálvalusat
- Lohtu nuortalašgiettit leat iešráđálaš oahpásmuvvančuozáhat, mas ii leat oahpistanbargoveahka.
- Nuortalašgietti birrasat leat museaguovlu, mas dolastallan ja gohtten leat gildojuvvon. Lagamus dolastallanbáikkit leat Šuomajoga njálmmis, lagat sullii ovtta kilomehtera duohken Oskarinjärvi nuortalašgiettis.
- Lagamus ávdin- ja várrenstobut leat Snellmanninmaja ávdinstohpu, Jyrkkävaara ávdin- ja várrehustohpu
- Lassedieđut guovllu bálvalusain
Lihkadanlápmásiid bálvalusat
- Čuozáhagas eai leat lihkadanlápmásiidda oaivvilduvvon bálvalusat.
