Mii ávžžuhat Leammi guovllus
Leammi luonddubálggis 4,5 km, riekkesjohtolat
Geasseáigge, johtináigi 2 dmu, heivve beaivemohkis.
Leammi luonddubálggis johtá Leammi leagi dievvái guovllus boares beahcevuovddi siste. Oasi mátkki máđidja mohkahallá johkaguoras ja goargŋu gaskohaga buolžžaide. Máhcadettiin johtit guhkkeleappos jogas lea bálgá mielde.
Vuolginsadji
Bálgá vuolgá sullii 1,5 km Njurggoluovtta gilis, Meahciráđđehusa parkerenbáikkis.
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Tealtá- ja dolastallanbáiki Jávrrebealláddos ja luonddubálggestávvalat.
Oaidnámušat
Duovdagat, mat oidnojit Jávrrebealláddos ja Leammi gáttis.
Johtolatčilgehus
Johtolatmerken: ruona muorracuolddaiguin
Leammi luonddubálggis čuovvu Leammi dievvái guovllus boares beahcevuovddi siste. Váile kilomehtera vuolggasajis lea Jávrrebealláddo tealtá- ja dolastallanbáiki. Jávrrebealláddos moattečuohte mehtera geažes leahkkasa oainnus Leammi nuppe beale gáttis lean Gábe Joavnna gieddái, mii lea kulturhistorjjálaččat dehálaš sámedálu šilljobire. Dán maŋŋá bálggis loktana johkaguora mielde čuovvovaš bulžii ja johtá dan mielde sulaid kilomehtera gaskohaga goargŋumiin ja njiedjamiin. Sulaid 2,5 km vuolggasajis bálggis jorgala nuorttas ja mohkahallá dievvái beahcevuovddis ruovttoluotta vuolginčuoggái.
Leammi gollegeainnu, 25 km, riekkesjohtolat
Geasseáigge, johtináigi 2 - 3 jandora.
Leammi gollemáđidja lea molsašuddi eanadaga vánddardanmáđidja, mii johtá guovddáš golleguovlluid čađa. Máđija alde oahpistantávvalat muitalit golli historjjás, geologiijas ja golleroggama vugiin. Máđija vuolgá Leammi leagis Šieđđaluvvama miellin gohčoduvvon 6 kilomehtera guhkkosaš vuostálagain. Ovdal vázzileami galgá mátkkoštit fanassáhtuin 22 kilomehtera Gollehámmanii Leammi mielde.
Vuolginsadji
Gollehámman dahje molssaevttolaččat Njurggoluokta, goas vuos vázzojuvvo johkaguora mielde Gollehámmanii. Gollehámma koordináhtat: Euref-Fin (~ WGS84) lat: 68° 39.1794' lon: 25° 51.9327' ETRS-TM35FIN P: 7616094m I: 453916m.
Meahciráđđehusa parkerenbáiki Njurggoluovttas
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Dolastallan- ja tealttástallan báikkit Gollehámmanis, Kapsusoja ja Ravadasnjárggas. Máttit-Ravadas beaivestohpu. Suohpášávžži Kultala ávdin- ja láigostobut, Ravadasjávvri ávdinstohpu sihke Lappi Golleroggiid Lihtu ry ávdinstohpu Gollehámmanis. Gollemáđija oahpistantávvalat.
Oaidnámušat
Gollemáđija oahpistuvvon báikkit: Leammi leahki fatnasis, Golli vuosttas gávdnanbáiki, Morgamádjaga geađgebardimat, Morgamádjaga Kultala, Pihlajamäki, Karhu-Korhonen girjerádju, Korhonen mašiidnarogganrekonstrukšuvdna Jeagelávžžis, Isola (merkejuvvon máđija olggobealde)
Johtolatčilgehus
Johtolatmerken: oránša muorracuolddaiguin
Máđidja álgá Gollehámmanis ja vuolgá goargŋut ceakkut bajás Šieđđaluvvama miellin gohčoduvvon vuostálaga. Bálggis jorgala 800 mehtera maŋŋá davveoarjjás. Čuovvovaš 800 mehtera bálggis johtá vieltti mielde Leammi golli vuosttas gávdnanbáikái Morgamádjaga gurrii. Dás máđidja joatkašuvvá davás ja vuolgá fas goargŋut vuostálahkii. Sulaid 700 mehtera maŋŋá bálggis boahtá Kapsuoja dolastallan- ja tealtábáikái, gos dat mohkkasa oarjjás ja joatká vuostálahkii. Ráhpadis golmma kilomehtera mátkki Morgamádjaga Kultalai máđidja goargu njoaiddut ja njiedjá gaskohaga duottarádjaga gurrii. Morgamádjaga Kultala maŋŋá lea sulaid kilomehtera guhkkosaš ceakkut vuostálaga vuorru ovdalgo lagešvuovdi rievdá báljes duottarin Pellisenlakis.
Pellisenlakis ovddasguvlui máđidja johtá 8 kilomehtera oalle álkes báljes duoddaris Pihlajamäkii ja doppe Jeageloaivái Karhu-Korhonen girjerádjui ja Jeagelávžži guvlui. Jeagelávžái lea kilomehtera guhkes ceakko mihtolat lagešvuovddis Karhu-Korhonen boares bálgá mielde. Jeagelávžži botnis lea ceakko vuostálat Gaskoaivvi vieltái. Jeagelávžžis mihtolat ja vuostálat leat ceakku ja máđijas sáhttet fierralit luovosgeađggit, nuba dát lea máđija eanemus hástaleaddji báiki.
Gaskoaivvi vielttis máđidja mohkkasa davvenuorttas ja njiedjá Máttit Ravadasa beaivestohpui váile guovtti kilomehtera mátkki. Máđidja johtá golbma kilomehtera Máttit Ravadas –joga guora álkes eatnamis beahcevuovddi guoras lean Ravadasnjárgga dolastallan- ja gohttenbáikái. Čuovvovaš 2 kilomehtera máđidja johtá dievvái beahcevuovddis beahcevuovddis ovdal maŋimuš ráhpadis kilomehtera guhkkosaš mihtolaga Ravadasjávrái.
Fuomášanveara
Leammi Gollemáđija galledanbáikin merkejuvvon máđija olggobealde lea Jaakko Isola bartta šilljobire Miessejogas. Barta lea láigohuvvon Lappi Golleroggiid Lihttui.
Leammi Gollemáđija sáhttá álggahit maiddái Njurggoluovtta gilis, gos álgomátkki johtet johkaguora vánddardanmáđija mielde. Vuolggasadji lea dalle Meahciráđđehusa parkerensadji ja máđija guhkkodahkan šaddá dalle 22+25+15 km, oktiibuot sulaid 62 km.
Eara johtolágat
Leammi johgáddi johtolat, Njurggoluokta - Ravadasjávri - Kultahamina, 22 km / guovlu
Geasseáigge, johtináigi 8-10 dmu / guovlu
Máđidja čuovvu Leammi boares beahcevuovddi dievvái eatnamis. Máđijas leat muhtun veardde allodatearut ja muhtun ceakko vuostálagat ja mihtolagat. Máđija johtá vuos Leammi máttagáttis ja sirdašuvvá davvegáddái joga rasttildeami maŋŋá. Johka rasttilduvvo váijerfatnasiin Sarritnjavi dahje Heargeguoikka bokte.
Vuolginsadji
Meahciráđđehusa parkerenbáiki Njurggoluovttas
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Dolastallan- ja tealttástallanbáikkit Jávrrebealláddos, Heargejávrris, Pitkäniemis ja Suohpášávžžis. Lávvu ja dolastallanbáiki Sotkajávrris. Beaivestohpu Sarritnjavis ja Ravadasjávrri ávdinstohpu ja Heargejáguoikkaša láigostohpu. Váijerfatnasa Sarritnjavis ja Heargeguoikkas.
Oaidnámušat
Leammileahki, Ravadasgorži, Gábe Joavnna gieddi ja godderoggit
Johtolatčilgehus
Johtolatmerken: oránša muorracuolddaiguin
Máđidja álgá Njurggoluovttas Meahciráđđehusa parkerenbáikkis ja čuovvu Leammi boares beahcevuovddis. Máđijas leat muhtun veardde allodatearut ja muhtun ceakko mihtolagat ja vuostálagat. Máđidja johtá eanaš goike guolbbavuovddis, muhto mátkki alde leat muhtun lávttasbáikkit. Johka rasttilduvvo váijerfatnasiin Sarritnjavi dahje Heargeguoikka bokte, ja máđidja joatkašuvvá nuppe bealde seammalágan eatnamis. Heargeguoikkas mátki joatkašuvvá Ravadasjávrri ávdinstohpui.
Njurggoluovttas Ravadasjávrái máđija guhkkodat lea 15 km. Máđija joatkašuvvá Ravadasjávrris vuos sulaid kilomehtera geažes lean Ravadasgeavgŋá fiinna goržži lusa ja das 6 kilomehtera mátkki Gollehámmanii. Njurggoluokta-Gollehámman máđija guhkkodat ovtta guvlui lea 22 km.
Fuomášanveara
Vuorrofanassáhtut Njurggoluokta – Ravadasjávri – Ravadasgeavŋŋis – Gollehámman (pdf, 106 kt)
Leammi vánddardanmáđidjii lea álki ovttastahttit eará Leammi álbmotmeahci máđijaid.
Jogagiellasa mátki, 16 km, riekkisbálggis
Geasseáigge, johtináigi 8-9 dmu
Bálggis vuolgá Njurggoluovttas Jogagiellasa (534 km) guvlui, man alážis oidná Leammi álbmotmeahccái ja Bátneduoddara meahccái.
Vuolginsadji
Meahciráđđehusa parkerenbáiki Njurggoluovttas.
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Dolastallanbáiki ja goahti Juurakko-ojas ja dolastallanbáikkit ja gohttensajit Jávrrebealláddos ja Sotkájávrris.
Oaidnámušat
Jogagiellasa alde leahkkasit oidnosat
Johtolatčilgehus
Johtolatmerken: oránša muorračuolddat ja mearkkat lássáin
Jogagiellasa tuvrra álgá Njurggoluovttas Meahciráđđehusa parkerensajis. Miehtebeaivái jođedettiin máđidja johtá vuosttas 6 km njoaidut vuostálahkii Suovdejogaža goahtái. Goađi maŋŋá álgá ceakko beannot kilomehtera vuostálat vári ala. Jogagiellasa alde leahkkasit eanadagat Leammi álbmotmeahccái ja Bátneduoddara meahcceguvlui. Čohkas njiedjat ceakko vieltti Čoađginjávrái ja Leammi vánddardanmáđidjii. Allodaterohus lea 300 mehtera 3 kilomehtera mátkkis. Johkaguora máđidjii boađedettiin Jogagiellasa máđija joatkašuvvá olgeš guvlui Njurguluovtta guvlui. Maŋimuš vihtta kilomehtera johttit Leammi vánddardanmáđidja mielde boares beahcevuovddis.
Fuomášanveara
Jogagiellasa máđijas sáhttet leat báikkuid lakta sajit, nuba dárbbašat čáhcejeahkki gápmagiid.
Ravadasjávri - Suohppášávžži Kultala - Kultahamina - Ravadasjávri, 26,5 km, riekkisbálggis
Geasseáigge, johtináigi 2 jandora
Bálggis johtá Ravadasjávrris Gaskoaivvi bokte Suohppášávžži Kultalai, mii lei 1940-50-loguin Leammi golleroggiid guovddáš. Kultalas bálggis máhccá Gollehámmanii (Kultahamina) ja Ravadasgoržži bokte Ravadasjávrái.
Vuolginsadji
Ravadasjávri, goas mátkkoštit Njurggoluovttas fanassáhtuin dahje vázzojuvvo johkaguora mielde.
Koordináhtat: Euref-Fin (~ WGS84) lat: 68° 41.2623' lon: 25° 58.2940' ETRS-TM35FIN P: 7619889m I: 458287m.
Vánddardanhuksehusat
Dolastallanbáikkit ja gohttensajit Gollehámmanis, Kapsuoja ja Ravadasnjárggas. Mattit Ravadas beaivestohpu. Suohpášávžži Kultala ávdin- ja láigostobut, Ravadasjávvri ávdinstohpu sihke Lappi Golleroggiid Lihtu ry ávdinstohpu Gollehámmanis. Gollemáđija oahpistantávvalat.
Oaidnámušat
Leammi leahki, golleguovllut, Morgamádjaga Kultala
Johtolatčilgehus
Johtolatmerken: oránša muorracuolddaiguin
Bálggis vuolgá Ravadasjávrris oarjii guvlui ja álgá kilomehtera guhkkosaš vuostálagain. Bálggis johtá dievvái beahcevuovddis 2 kilomehtera Ravadas-njárgga dolastallan- ja gohttenbáikái, čuovvovaš golbma kilomehtera Máttit Ravadas –joga guora álkes eatnamis Mattit Ravadas beaivvestobui. Bálggis goargu báljes duoddarii ja vuolgá 6,5 km mátki Gaskoaivvi bokte Pellisenlakii.
Fuomášanveara
Leammi Gollemáđidja johtá oassái seammá máđija mielde.
Dán riekkesbálgá sáhttá laktit mannan- dahje boahtinmátkkis Njurggoluokta - Ravadasgorži -bálgái ja / dahje fanassáhttui.
Vuorrofanassáhtut Njurggoluokta – Ravadasjávri – Ravadasgeavŋŋis – Gollehámman (pdf, 77kt)
Sállevári bálggis, 6 km / guovlu
Geasseáigge, johtináigi 4 dmu
Sállevárbálggis doalvu historjjálaš bigálusbáikái Sállevárrái, mas oaidninláhkái leat boares bigálusbarttat ja divvojuvvon, vaikkege ii šat anus lean bigálusáidi.
Vuolginsadji
Riebanjogas parkerensadji Anár-Gihttel geaidnoguoras, Kittiläntie 7426, Anár.
Koordináhtat: Euref-Fin (~ WGS84) lat: 68° 27.0017' lon: 25° 57.2897' ETRS-TM35FIN P: 7593403m I: 457158m.
Vánddardanhuksehusat
Sállevári oahpistanstohpu ja ávdinstohpu
Oaidnámušat
Sállevári bigálusbáiki ja Sállevári
Johtolatčilgehus
Máđidja johtá sihke vuovde- ja jeaggeeatnamis.
Sállevárbálggis vuolgá Riebanjogas Anár-Gihttel eanageainnus Sállevári bigálusbáikki guvlui. Eana lea dássidis, eaige máđijas leat olus allodatearut. Lákta oassái leat dahkkon fuolaheami várás govdarovvemuorat, maid alde čáhci sáhttá leat dulvin. Máhccan Sállevárrái johtá seammá bálgá mielde.
Čuoiganjohtolagat
Njurggoluokta-Suohppášávžži, 27,5 km / guovlu čuoiganjohtolat
Čuoiganáigi 2-3 jandora / guovlu
Njurggoluovttas johkaleahki Gollehámmanii merkejuvvo dálvit fuolahanmáđidjan, man mielde sáhttá čuoigat.
Vuolginsadji
Meahciráđđehusa parkerenbáiki Njurggoluovttas
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Lávvu ja dolastallanbáiki Sotkajávrris ja beaivestohpu Sarritnjavis. Ravadasjávrri ja Suohppášávžži Kultala ávdinstobut ja Heargejáguoikkaša sihke Suohppášávžži Kultala láigostobut. Lappi Golleroggiid Lihttu ávdinstohpu Gollehammanis
Oaidnámušat
Leammileahki, Ravadasgorži, Gábe Joavnna gieddi ja Suohppášávžži Kultala.
Johtolatčilgehus
Johtolatmerken: alitivdnásaš plastihkkasoabbiin ja oránša muorracuolddaiguin
Njurggoluovttas johkaleahki Gollehámmanii merkejuvvo dálvit fuolahanmáđidjan, man mielde sáhttá čuoigat. Njurggoluovttas Sotkájávrri beallegoavddi lusa lea mátki sulaid 5 km ja das Searitnjavi beaivestohpui váile 4 km. Searitnjavis Heargeguoikka láigostohpui mátki lea 4,5 km. Máđija joatkašuvvá Ravadasjávrri ávdinstobu lusa, gos Heargeguoikkas lea mátki 2 km. Ravadasjávrri ja Gollehámmana gaskka oasi guhkkodat lea 7 km. Gollehámmanis ovddas guvlui máđija goargŋu ceakkut bajás ja Morgamádjaga Kultalai mátki lea 5 km.
Jogagiellasa čuoiganjohtolagat, 8 km / guovlu
Čuoiganáigi 4-6 dmu
Njurggoluovttas Jogagiellasii johtá skohteriin vuddjojuvvon fuolahanluotta mielde sáhttá čuoigat. Máđidja ii fuolahuvvo sierra, muhto šaddá fuolahanmáđija anu mielde.
Vuolginsadji
Meahciráđđehusa parkerenbáiki Njurggoluovttas
Koordináhtat: Euref-Fin (~ WGS84) lat: 68° 45.0984' lon: 26° 13.2005' ETRS-TM35FIN P: 7626869m I: 468453m.
Vánddardanhuksehusat
Lávvu Juurakko-ojas.
Oaidnámušat
Jogagiellasa alde leahkkasit oidnosat
Johtolatčilgehus
Njurggoluovttas Jogagiellasii johtá skohteriin vuddjojuvvon fuolahanluotta mielde sáhttá čuoigat. Máđija lea vuostálat oppa 8 km mátkki Jogagielaš vári ala. Máhccan seammá máđija mielde mihtolahkii.
Fuomášanveara
Johtolagat ii leat merkejuvvon.
Meallun
Leammi meallunjohtolagat, Njurggoluokta-Kultasatama, 20 km / dahje Njurggoluokta-Solojávri, 40 km / guovlu
Áiggi meallumii gánneha várret 2 - 3 beaivve.
Vuolginsadji
Njurggoluovttas gili, Juurakko-oja, Lemmenjoentie 970, Anár.
Koordináhtat: Euref-Fin (~ WGS84) lat: 68.76379 ° lon: 26.23755 ° ETRS-TM35FIN P: 7628215m I: 469180m
Johtolatčilgehus
Leammi sáhttá meallut Njurggoluovttas guovtte guvlui.
Njurggoluokta - Kultasatama, sullii 20 km. Johtolat geavaha seamma fávlli go fanasruvtto johkafatnasat.
Njurggoluovttas sáhttá vuolgit maiddái Leammis davvenuorttas Báđárii, gos beassá joatkit ain Juvdujoga fiesttarbeallái Solojávrái, gos mátkki sáhttá loahpahit fanassátkui. Reaissu guhkkodat lea sullii 40 km, ja dat lea viehka álki. Báđáris sáhttá molssaevttolaččat joatkit ráfálaš Geaptoveijoga (Kiäptuvei, anárasgillii) Muttošjávrái.
Juvdujoga mielde sáhttá meallut Anára kirkosiidii, muhto dat gáibida jo hárjánumi guoikkaid meallumis ja goittotge Njoammelguoikka garvima gátti mielde.
Fuomášanveara
Kanohtaid sáhttá láigohit Njurggoluovttas fitnodagain.
Sihkkelastin
Álbmotmeahcis sáhtte sihkkelastit ja riidet merkkejuvvon bálgat mielde.
