Leammileahki
Leammileahki lea Njurggoluovtta ja Kultasatama gaskkas, sullii 22 km:a guhkkosaš johka. Jogas lea geassit fanasruvtto. Johkagáttiid čuovvu merkejuvvon vánddardanbálggis.
Ravadasgorži
Ravadasgorži lea Leammi ja Ravadasjogaid oktiigolgansajis.
Jogagielas
Jogagielas lea duottar sullii 9 km:a geahčen Njurggoluovttas, gosa manná merkejuvvon bálggis. Duoddaris leat čáppa oidnosat Leammileahkái.
Sállevári bigálusbáiki
Riebanjogas, Anár-Gihttel geaidnoguoras, vuolgá 6 km:a guhkkosaš merkejuvvon bálggis ovddeštuvvon bigálusbáikái. Doppe lea ávdinstohpu ja tealtábáiki. Bigálusáidi gámppáiguin gullá Sámi divrasamos kulturhistorjjálaš báikkiide. Ruovttoluotta geaidnogurrii beassá seammá bálgá mielde, nu ahte bálgá ollesguhkkodat lea 12 km.
Gábe Joavnna gieddi
Gábe Joavnna gieddi lea Leammi fiesttargáttis leahkki boares boazodállu Njurggoluovtta buohta.
Golleguovlu
Golleroggema historjá ja otná beaivi leat oaidnimis álbmotmeahci guovddášguovllus Kultasatama ja Jeageloaivvi gaskasaš guovllus. Muhtimat dálá golleroggiin váldet gussiid vuostá, nuppit hálidit bargat iežaset ráfis. Guovllu čađa johtá merkejuvvon vánddardanbálggis, Kultasatamas Ravadasjávrái boahtá guhkkodahkan 20 km.