Áššehasbálvalus ja rávven
- Siiddas Anára kirkosiiddas doaibmá Sámemusea ja Davvi-Sámi luondduguovddáš.
- Siida fállá dieđuid Leammis ja buot earáge Davvi-Sámi luonddubáikkiin.
- Dieđut Leammi fanasruvttuin (pdf, 99 kt, suoma-, eaŋgalas- ja duiskkagillii).
- Vánddardanrávven, kárttat ja lobit heailla Davvi-Sámi guvlui.
- Siiddas doaibmá maiddái restauráŋŋa Sarrit (siida.fi) sihke museagávpi (siida.fi).
- Guovllu dikšu Meahciráđđehus, Lappi Luonddubálvalusat (Lapin luontopalvelut), čujuhus: Inarintie, 99870 Anár.
Turismafitnodagaid lágidan bálvalusat álbmotmeahcis
- Oktašasbargoguoimmit lágidit bálvalusaid Leammi álbmotmeahcis
- Sis lea oktašasargosoahpamuš Meahciráđđehusain ja sii ollašuhttet bistevaš luondduturisma prinsihpaid doaimmadettiin álbmotmeahcis.
Boradeapmi, málestepmi ja nisttiid háhkan
- Njurggoluovttas leat guokte kafea-restauráŋŋa, gos sáhttá boradeami lassin oastit veháš nisttiid. Lagamus gávppit ja báŋkoautomáhta leat Anáris.
Dolastallan
- Dolastallanbáikkit leat merkejuvvon bálgáid guoras sullii 30, álbmotmeahci vánddardanavádagas dolastallan lea lobálaš dušše dáin báikkiin. Dolastallanbáikkit leat merkejuvvon vánddardankárttaide.
- Boaittobealeavádagas sáhttá dolastallanbáikki válljet friija. Dolastallamii sáhttá geavahit dušše goike ovssiid ja rissiid, mat leat eatnama nalde.
- Ráddjeavásadagas dolastallan ii leat lobálaš.
- Sajošdola bidjan lea gildojuvvon ollásit meahccebuollinváruhusa áigge. Sajošdola bidjan lea gildojuvvon maiddái dalle, go dilli goikkádaga, garra biekka dahje eará siva dihte lea dakkár, ahte meahcci buollá álkit. Ovdalis máinnašuvvon ráddjehusat gusket maiddái meahccái huksejuvvon olgodolastallanbáikkiid.
Juhkančáhci
- Čáhci jugaha dábálaččat heailla álmbotmeahci viidodagas. Rávvagin lea, ahte golgi čáhci lea buoret go orru. Juhkančáhci avžžuhuvvo vuššot geassebáhkaid áigge.
Bázahusfuolahus
- Njurggoluovtta párkerenbáikkis leat lihtti seahkalasruskkaide. Seahkalasruskalihtit gávdnojit maiddái buot stobuin. Sávvat goittotge, ahte doalvvut ieš iežat luniidat eret meahcis, go mášenruskafievrrideapmi guođđá meahccái luottaid ja dagaha vála.
- loga lasi čorges vánddardeamis.
Hivssegat
- Njurggoluovttas ja buot stobuid luhtte lea muorrahivsset.
Idjadeapmi
Dealttástallan ja lávut
- Álbmotmeahci vánddardanavádagas tealttástallan lea lobálaš dušše dan várás várrejuvvon báikkiin.
- Goaittobealeavádagas oažžu gohttet friija.
- Ráddjenavádagas gohtten lea gildojuvvon.
Ávdinstobut
Ávdinstobuin sáhttá idjadit ija dahje guokte, dárkilut dieđuid stobuin oažžu ávdinstobut-siiddus.
- Sállevárri lea Sállevári bigálusbáikkis Anár - Gihttel -geainnu (955) davvefiesttarbealde.
- Boastajohka lea Návgosčielggi davábealde leahkki Boastajoga gierragis sullii 2 km vulosguvlui ja sullii 50 m joga nuorttabealde.
- Fáškoluoppal lea Riebančielggi davágeahčen nuorttas, Fáškku luobbala máttagáttis.
- Fášku (maiddái láigostohpu) lea Fáškui máddin golgi Buordnajohnjálmmis, dan nuortagátti máttafiestaramos njárggas.
- Suohpášávžži Kultala (maiddái láigostohpu) lea Leammi Morganjávrái golgi Suohpášávžžis, sullii 4,5 km Leammileagis davvefiestarii.
- Gollehámman lea Morganjávrri máttageažis leahkki Lappi golleroggiidlihtu oamastan hirsastohpu.
- Ravadasjávri lea Leammi fiesttargáttis sullii 600 m Ravadasgoržžis davvenuorttas.
- Oahojohka lea Oahoaivvi nuorttabealde Oahujoga nuortagáttis, guovtte gierraga oktiigolganbáikkis.
- Lággojárstoboš (Matti Mustan tupa) (Váábu Mátti) stohpu lea álbmotmeahci davvioasis, bajimuš Lággojávrri máttanuortegáttis.
- Ruvnnastohpu lea álbmotmeahci davvenuortebealde, sullii 600 m meahci olggobealde. Dat lea boares poastabálgá guoras Lávvojávrri davvefiesttarbealde. Stobus lea bálgá mielde 4 km Anár - Áŋŋel -geaidnoguoras Suoppujávrái (Suoppjáávráš, anárašgillii).
Láigostobut
Láigostobu sáhttá láigohit ollásit iežas geavahussii. Várremat: Lemmenjoen Lomamajat, Njurggoluokta, 99885 Leammi, tel. (016) 673 435 ja 040 7554306.
- Fášku lea Fáškui máddin golgi Buordnajohnjálmmis, dan máttagátti máttafiestaramos njárggas.
- Suohppášávžži Kultala lea Leammi Morganjávrái golgi Suohppášávžžis, sullii 4,5 km Leammileagis davvefiestarii. Stohpu lea dálvegeavahussii heivvolaš hirsastohpu, ja dat dovdojuvvo maiddái namain "Pellisen kämppä".
- Heargejáguoikkaš lea Leammi fiesttargáttis Ravadasjávrri davágeahčen.
Sávnnit
Sávnnit leat Njurggoluovtta turismafitnodatolbmuin sihke buot láigostobuin.
Idjadeapmi lahkosiin
Láigostobut/luopmostobut
- Turismafitnodatolbmot láigohit luopmostobuid (laplandnorth.fi, suomagillii) Njurggoluovtta guovllus.
Gohttenbáikkit, karavánaraid bálvalusat ja hoteallat
- Gohtten- ja karavánaraid bálvalusat leat Menešjávris ja Anáris.
- Lagamuš hoteallat leat Menešjávris ja Anáris
Biergasiid láigoheapmi
- Leammi fitnodatolbmuin sáhttá láigohit kanohtaid.
Lihkadanlápmásiid bálvalusat
- Leammi fanasmátkkit dolvot geassit Njurggoluovttas Ravadasgoržži čáppášit.
- Fanasmátkkit heivejit lápmásiidda, muhto veahkeheaddji dárbbašuvvo. Lassidieđuid oažžu Davvi-Sámi luondduguovddážis Siiddas.
- Davvi-Sámi luondduguovddážis Siiddas beassá juohke sadjái jorrestuoluin, muhto auditoriai čáhká dál dušše okta. Visttis lea inva-wc. Olgomuseas sáhttá lihkadit geassit nu, ahte veahkeheaddji lea fárus. Áššehasgeavahussii lea várrejuvvon jorrestuollu.
Eará bálvalusat lahkosiin
Lagamus bálvalusat
- Anáris (inari.fi) lea báŋkoautomáhta, fitnodatpoasta, dearvvasvuođadállu, guokte gávppi, apotehka bálvalanbáihki K-Kuukkeli gávppis, táksi ja bensenstašuvdna
- Leammis lea táksi Njurggoluovttas.
