Soabbada bálvalusat

Áššehasbálvalus ja oahpisteapmi

Boradeapmi, málesteapmi ja nisttiid háhkan

Guovdu lastavuovddi muoras ceggejuvvon lávvu, man ovdabealli rabas ja dan ovddas árran, man nuppi bealde lea čohkkánbeaŋka. Sajusdolla buollime, muorravisti lea soahkevuovddi ravddas ja sogiid čađa oidno čáhci.

Gávppit

  • Mátkenisttiid sáhtát háhkat Vuohču giligávppis dahje guovllu lahkosiid gávppiin ja bensenstašuvnnain ja Suoločielggi turismafitnodagain.

Dolastallansajit, gámmet, stobut, vuoššangoavddit ja goađit

  • Soabbada luonddumeahcis oažžu dolastallat dušše dan várás lágiduvvon dolastallanbáikkiin. 
  • Meahccebuollinváruhusa áigge dolastallan lea gildojuvvon juohke sajis, maiddái merkejuvvon dolastallanbáikkiin ja rabaslávuid dollasajiin. Goikkádagaid áigge ii galggaše maiddái bidjat dola gođiid ja gámppáid dollasajiide.
  • Mátkevuoššana lea lohpi álo geavahit. Dolastallanbáikkiin leat sahá ja ákšu muorravisttis.

Dolastallanbáikkit, goađit ja vuoššangoavddit

  • Nalijoga lávvu, muorravisti ja hivsset
  • Soabbatjávri: guokte dolastallanbáikki, lávvu, goahti, hivsset, muorravisti ja gáivo
  • Pyhä-Nattanena alážis: beaivestohpu (stobus ii lea ovdna iige kamiina) ja hivsset.

Meahcis muorraráhkkanus, man nubbi geahči lea vuollegaš ja nubbi allat. Alla geaži ovddabealde birasta njealjehasa hápmásaš čohkkánbeaŋka, dan guovdu lea geađgeárran.

Juhkančáhci

  • Guovllu ládduid, ádjagiid ja jogaid čáhci jugaha dábálaččat, muhto čázádagaid čáhci ii leat dutkojuvvon. Nuba juhkančázi gánnáha vuoššat. Soabbatjávrris lea gáivo.
  • Luondduguovddážis ja bálvalanbáikkis oaččut váldit čázi fárrui, jos háliidat.

Bázahusfuolahus

  • Soabbada luonddumeahcis šaddá ieš fuolahit bázahusain. Smávva meari buhtes báhpára ja kartoŋgga sáhttá ávkkástallat cahkkehahkan dollasajis dahje ávdinstobu árranis. Eanaiduvvi bázahusaid sáhttá guođđit hivssegii. Eará bázahusaid vánddardeaddji šaddá ieš buktit eret meahcis. Soabbatjávrris lea bázahusbáiki. Loga lasi ribahis vánddardeamis.

Hivssegat

  • Nalijoga siste lea goikehivsset
  • Soabbatjávrris lea goikehivsset
  • Pyhä-Nattanena aláža stobu oktavuođas lea goikehivsset.

Idjadeapmi

Tealttástallan, lávut ja goađit

Gohttet ja tealttástallat oažžu Soabbada luonddumeahcis dušše Soabbatjávrri gáttis ja ovtta manu guhkimustá golbma jándora. Dolastallat oažžu Soabbada luonddumeahcis dušše merkejuvvon dolastallanbáikkiin. Soabbatjávrri gáttis leat ijastalliid várás lávvu, goahti ja dolastallanbáikkit.

Idjadeapmi, vánddardanbiergasiid láigoheapmi ja eará bálvalusat lahkosiin

Lassedieđut luonddumeahci lahkosiid bálvalusat gávdnojit čuovvovaš neahttasiidduin:

Lihkadanlápmásiid bálvalusat

  • Soabbada luonddumeahcis eai leat lihkadanlápmásiidda heivvolaš johtolagat dahje bálvalusat.
    • Tankavaaras rohtte kilomehtera guhkkosaš čievrrain bajilduvvon luonddubálggis (Urpiaislenkki), man birra sáhttá johtit juvlastuoluin veahki veagas.