Sajádat
Davvi-Lappi, Eanodat,Giehtaruohttasa meahcceguovlu
Stobu koordináhtat: Euref-Fin (~ WGS84) lat: 69° 8.784' lon: 21° 35.108' ETRS-TM35FIN: N: 7680184 E: 285117
Riikkageainnu mielde E8 Gilbbesjávrái, gos 45 km vácci, čuoigga dahje mohtorgielkkáin. Stohpu lea Boazojávrri (Porojärvi) nuorttageaži máttagáttis Poroeno njálmmis.
Ránnján lea Boazojávrri ávdinstohpu 1 km geahčen.
Kalohttageinnodaga gárta
Retkikartta.fi (suomagillii)
Haddi
250 € / jnd. dahje 1500 € / vahkku. Hattit sis. 10% alv.
Čoavdagiid
Čoavdagat leat stobu seaidnái giddejuvvon čoavddaskáhpus, man sáhttá leahkkut kodain. Rávvagat ja koda sáddejuvvo várrejumi oktavuođas.
Biergasat
Kekkosastobus leat guokte geardeseaŋgga, ginttalčuovga, gássauvdna, liggen muorrauvnnain.
Bálddas lea j.1998 huksejuvoon fuolahanstobus vuoššannurki, gássauvdna/uvdna, ginttalčuovga, guokte geardeseaŋgga, main nubbi bartaisida lanjas, liggen muorrauvnnain. Sierra gáddesávdni ja olgohivsset. Fanas.
Stobus lea ruskabáiki. Vánddardeaddjit galggašedje ieža buktit bázahusaideaset eret meahcis. Loga lasi ribahis vánddardeamis.
Fuopmášumit
Gilbbesjávrrái lea mátki 45 km. Dobbe lea gávpi, boaldámušjuohkin ja restauráŋŋa. Meahciráđđehusa Gilbbesjávrri luondduguovddáš lea rabas sesoŋgaáiggiid giđas čakčii. Eanodaga girkosiidii Heahttái lea mátki 120 km. Heahtás lea girdingielddi, Duottar-Sámi luondduguovddáš ja eará bálvalusat.
Mohtorgielkkáin johtin stobu lusa gáibida meahccejohtaluslobi. Lobi sáhttá skáhppot Duottar-Lappi luondduguovddášis, tel. 0206 39 7950.
Fuomáš! Skáhppo lobi maŋimustá vahku ovdal go vuolggat čuozáhahkii.
Guođe stobu dan ortnegii, go ieš livččet čuovvovaš áššehas. Min fuolahus ii nagot dárkkistit stobuid áššehaččaid maŋŋá. Jos stohpu lea boađedettiinat čorgekeahttá, váldde oktavuođa dalán stobu fuolaheaddjái. Čorgemeahttun stobus ja šiljus gártat álo čállit rehkega.
Jávrri gáddái lea mátki s. 50 m.
Guolástanguovlu
Fávlesajiin guolástettiin galgá leat máksojuvvon
guollenáliiddikšunmávssu (eräluvat.fi, suomagillii) sihke Käsivarsi-Tarvanto 1401 (eraluvat.fi, suomagillii). Lätäsenos guolástettiin galgá leat Lätäseno guolástanguovllu lohpi (eraluvat.fi, suomagillii). Lohpi vuoigadahttá guolástit guovllus Poroeno -Isokurkkio, Vähäkurkkio ii gula lohpeguvlui. Guolástanlobiid vuvdet Meahciráđđehusa áššehasbalvalansajiid lassin maiddái báikkálaš fitnodatdoallit.
Smávvafuođđoguovlu
Meahcástanguovlu 1613 Giehtaruohtas (eraluvat.fi, suomagillii). Meahcastanšlájat leat lagamustá rievssat ja njoammil. Beatnagiin meahcásteaddjit galget váldit oktavuođa bálgosa siiddaid isiđiidda.
Meahcástanlobiid vuvdet Meahciráđđehusa áššehasbálvalansajit, ee Duottar-Lappi luondduguovddáš.
Fuolahusas vástida
Meahciráđđehus, Luonddubálvalusat.
Lassedieđut: Duottar-Sámi luondduguovddáš tel 0206 39 7950.
