Sajádat, gárttat ja oppalaš govvádus
Oarje-Lappi, Muonio gielda (muonio.fi, suomagillii), Bállás-Ylläsduoddara álbmotmeahcci
Stohpu lea Keimiöjärvi oarjedavvigáttis sulaid 17 km Bállásis ja 9 km Rauhalas. Koivarova bisánanbáikkis lea mátki stohpui sulaid 4 km.
Bállás-Ylläsduoddara álbmotmeahci gárttat
Retkikartta.fi (suomagillii)
Haddi ja Čoavdagiid
180 € / jándor dahje 1080 € / vahkku (sis. 10% alv).
Čoavdagat leat stobu seaidnái giddejuvvon čoavddaskáhpus, man sáhttá leahkkut kodain. Rávvagat ja koda sáddejuvvo várrejumi oktavuođas.
Biergasat
Kamiidna ja gássaommán. Stobus ii leat sávdni.
Šiljus dolastallansadji, goikehivsset, muorravisti. Vealtameahtun vuoššan- ja boradanneavvut. Guottát, bolstarat ja filttet. Stobus leat ruskalihtit.
Fuomáš, ahte stobu liegganeapmi váldá iežas áiggi.
Fuopmášumit
Čáhci jávrris. Čázi kvalitehta ii dutkojuvvo. Luonddučázi ávžžuhit vuoššat ovdal go dan geavaha juhkančáhcin. Čázeváldinbáiki s. 50 m stobus. Jos čázeváldinbáiki jiekŋu, suttis báiki gávdno jávrri gáttis, dákko gokko gáldu ája golgá.
Dálkedili lea buorre váldit vuhtii go pláne tuvrra. Dálkedilit sáhttet leat hui hástaleaddjit. Gaskadálvve čuvges áigi lea dušše moadde diimmu.
Stohpui ii oaččo buktit biebmoelliid.
Vuodjinráva ja almmolaš fievrrut
Gihttel - Muonio -luottas nr 79 jorgaluvvo Rauhala gili buohta Jerisa guvlui luddii nr 9572. Vuddjojuvvo álbmotmeahci ráji rádjái Koivarova bisánanbáikái, gos lea stohpui 4 km mátki vácci dehe čuoigga.
Beaivválaš linnjábiilaoktavuohta Roavenjárga - Gihttel - Muonio ja nuppegežiid. Oassi vuoruin vuddjojuvvo Jerisa bakte, gos beassá om. Koivarova bisánanbáikái. Áigedávvalat (matkahuolto.fi, suomagillii).
Bázahusfuolahus
Páhkke nisttiid lihtiide ja seahkaide maid sáhttá geavahit ođđasit, vai eai leat nu olu bázahusat maid ferte gurput. Vánddardeaddjit galggašedje ieža buktit bázahusaideaset eret meahcis. Bázahusaid sirrenčuoggát leat Ylläsduoddara, Bállásduoddara ja Duottar-Lappi luondduguovddážiid šiljuin. Loga lasi ribahis vánddardeamis.
Fuolahusas vástida
Meahciráđđehus, Luonddubálvalusat. Lassidieđut Bállásduoddara luondduguovddáš, tel. 0206 39 7930.
