Sajádat
Davvi-Lappi, Anár, Galddoaivvi meahcceguovlu, Čeavetjávrri–Njávdáma guovlu ja Čeavetjávri–Buolbmát-johtolat.
Geassit: Čeavetjávrrri gilli ja doppe s. 1 km Njávdáma guvlui, gos geaidnu gurutbeallai "Vuoskojávrái". Vuddjo Buolbmátjávrri bálgá vuolginsadjái, gos lea stobu lusa s. 10 km mátki. Čeavetjávrri gilis vácci mátki gártá stohpui s. 14 km. Dábálamos fievru lea duottargirdin báldalas Opukasjávrái, gos vázzinmátki stohpui gártá s. 1,7 km. Stobo luhtte fatnasiin s. 1,2 km.
Stobu koordináhtat: Euref-Fin (~ WGS84) lat: 69° 36.1615' lon: 28° 25.4021' ETRS-TM35FIN: N: 7722211 E: 555360
Lagamus geassestohporánnjái 200 m.
Lagamus gilli lea Čeavetjávri 14 km, gos lea gávpi. Avvil–Njávdán-eatnangeainnus linjabiilaoktavuohta (árgabeivviid).
Retkikartta.fi (suomagillii)
Haddi
150 € / jándor. Hattit sis. 10% álv. Stohpu lea várremássii njukča-golggotmánus.
Čoavdagat
Čoavdagat leat stobu seaidnái giddejuvvon čoavddaskáhpus, man sáhttá leahkkut kodain. Rávvagat ja koda sáddejuvvo várrejumi oktavuođas.. Gávnnat pin-koda pdf-fiillas mii lea čadnojuvvon diŋgonduođaštussii.
Biergasat
Váldostobus lea sadji 8 olbmui, 3 geardeseaŋgga, seaŋgasoffá ja mátkeseaŋga. Gassáuvdna, mas lea uvdna, muorrauvdna, vuoššannurki. Juhkančáhci jogas. Gáddesávdni, mas saddjás sávdni ja sávdnegámmár.
Sávdnegámmáris muorraseaŋga, man sáhttá lebbet 1–2 olbmui. Muorrauvdna.
Eará biergasat: fanas ja fanasliivvat leat oahpisteaddjiid bartas. Muorraliggen, olgohivsset, eanageallir, dollasadji. Stobus lea johtolat aggregáhta várás jus háliidat váldit mielde iežat aggregáhta ja bensiinna.
Stobus leat bázahuslihtit. Loga lasi ruskkahis vánddardeamis.
Fuopmášumit
Váldde mielde hivsse-ja gievkkan báhpárat, riššasákkit, lummalámpá dahje gintalat. Stohpui oažžu buktit biebmoealliid.
Giehtatelefovnnaid gullon
Fatnasiin jođedettiin galgá leat erenoamáš várrugas ja galgá vuodjit unna leavttuin, daningo sihke Silisjogas ja Opukasjávrris leat geađggit ja coagessajit.
Mohtorgielkkáin johtin stobu lusa gáibida meahccejohtaluslobi. Lobi sáhttá skáhppot Eräluvat.fi neahttagávppis (eraluvat.fi). Fuomáš! Skáhppo lobi maŋimustá guokte vahku ovdal go vuolggat čuozáhahkii.
Guolástus: Njávdánjogas lea guolástanlobiin dihtomearri.
Buoremus guolástanbáiki soavviliid bivdiide lea Opukasjávrri bajábealde, dušše vuoggaguolásteapmai basuhuvvon Njávdánjohka. Dat lea stuorrasoavviliid váldegoddi, muhto luossage goargŋu álo Vuontisluobbala rádjai. Luossaguolásteaddjiid gánniha mannat Opukasjávrri vuolleoassái Njávdánjoga. Dát s. 7 kilomehtera guhkkosaš guoikaossodat álo Ađđančieskanluobbala rádjai lea ollásit erenoamaš luossabivdinguovlu.
Opukasjávrri vuolabeale Njávdánjoga lohpeguolástanguovlu ii álgge oivoša vuosttas lusmmis muhto das s. 750 mehtera joga vulos Opukasgeavgŋá bajábealde. Lohpeguolástanguovllu álgingalba čujuha dárkkes saji. Opukasjávrri vuolábeallai Njávdánjohkii beassá fatnasiin Opukasjávrri davágeahčái. Fatnasiin mátki gártá s. 4 km. Seammás sáhtát oaggut Opukasjávrris. Silisjogas Njávdánjoga lobiin sáhttá guolástit Opukasjávrri ja Puaskijoga njálmmi gaskkas.
Silisjogas gávnnat giđđat maid fiinna dálveoaggunsajiid.
Ovdal guolásteami ferte máksit guoleváriiddikšunmávssu. Dainna sáhttá juo guolástit ovtta stákkuin stuorra oasis riikka jávrriin dahje jávrrážiin.
Guolleváriiddikšunmávssu lassin dárbbašat: johkabivdui lobi. Lobiid sáhtát várret: Eräluvat bálvaleapminummir tlf. 020 69 2424 Šleađgapoasta: eraluvat(a)metsa.fi www.eraluvat.fi. Ráddjejuvvon čuozáhagat oidnojit Kalastusrajoitus.fi-bálvalusas
Fuolahusas vástida
Meahciráđđehus, Luonddubálvalusat.
Lassidieđut Luondduguovddáš Siida, tel. 0206 39 7740.
