Sajádat
Davvi-Lappi, Anára gielda, Bátneduoddara meahcceguovlu, Anára vánddardanguovlu
Avvilis 11 km davás Ukonjávrái, gos jorgala gurutbeallai čievrageaidnu (Galbbas lohká: Kirakkajoen vuokratupa), čievrageaidnorái 2,3 km Ruhtajávrri fanashámmanii. Fanashámmanis lea lohkka bierggasgássa ja fanas, Kala-Palta, reg. 4 olbmui. Láigolaš galgá buktit iežas fanasmohtora dahje láigohit dakkára, fatnasis ii leat šat mohtor.
Fanasmátki Ruhtajávrri viestargeahčái stobo lusa lea sullii 11 km. Fátnasiin stobo lusa jođidettiin lea sivva leat hui dárki ja galgá vuodjit gulul jávrri geđggiid ja gárguid geažil. Fanasmátki ávžžuhat dahkat beaivvečuovgga áigge , borgemánus eahkedat ja ijat leat juo gerbmosat ja čakčamánu bealde seavdnajadat. Fanashámmaniid bierggasgássain lea Ruhtajávrri gárta. Dasa lea merkejuvvon bahámus geađgás sajit, mat leat dieđus. Geđggiid sajádat ii leat dárki eaige buot geađggit leat fidnejuvvon gártehussii.
Molssaevttolaš johtu
Avvila girkus jorggiha geaidnu gurutbeallai Paltojávrái, meahccebiilageaidnorái beassá Čoages Soavveljávrri dávágeahčái, gos vázzinmátki Kaareehjuuvâ stobo lusa dádjademiin lea sullii 6 km. Geinnodagat eai leat merkejuvvon!
Stobu koordináhtat WGS84 lat: 68° 43.4454' lon: 27° 11.7732' ETRS-TM35FIN: N: 7623610 E: 507945
Retkikartta.fi (suomagillii)
Lagamuš ránnjá sullii 5 km duohken.
Lagamuš gilli lea Avvil 23 km, gos leat buot vuođđobálvalusat.
Haddi
75 € / jándor dahje 525 € / vahkku. Hattit sisdollet 10% álv.
Stohpu várremássii njukča-golggotmánus.
Čoavdagat
Čoavdagiid sáhttá viežžat Luondduguovddáš Siiddas máksoguitte vuostá. Čoavdda máhcahuvvo seamma sadjái.
Biergasat
Muorrauvdnaliggen, gássauvna, olgohivsset, čuovgan ginttal, juhkančáhci Kirakkajogas dahje lagas gáldus, eanageallir, olgodolastallansadji ja suovastangássa, sierra sávdni. (Fuom! Šilju boares barta ja suovvasádni eai leat šat geavahusas).
Stobus leat bázahuslihtit, muhto ávžžuhat buktit vánddardeaddjiid bázahusaideaset. Loga lasi ruskkahis vánddardeamis.
Fuopmášumit
Stohpu lea boazodoalloguovllus, váldde vuhtii bohccuid, mat leat veaittalassii ja doala beatnaga lávžžegeažis, loga eanet vánddardeamis boazodoalloguovllus. Giđasdálvve beatnagiid ii oaččo buktit mielde ollenge, stohpu lea guovdu boazodoalloguovllu ja bohccot guhtot giđasdálvve stobu lahkosis.
Kaareehjuuhâ lea ráfohuvvon juohkelágan guolástemis dego maid johkanjálbmi 400 mehtera mátkkis Ruhtajávrri goappatbeale gáttiin.
Stobu bokte manná báikkálaš olbmuid geavahan dološ johtolat.
Stohpui oaččo buktit biebmoelliid, muhto ii beatnagiid giđas (njukča-miessemánnu).
Giehtatelefovnnaid gullon
Fuolahusas vástida
Meahciráđđehus, Luonddubálvalusat.
Lassidieđut Luondduguovddáš Siida, tel. 0206 39 7740.
